 |  |
чырвона-банэрная рэкляма:
ESPRIT пра каханьне ў вялікім горадзе
| 10.09.2008 | Гурт ESPRIT прэзэнтуе ў новым туры на ТГ сваю песьню «Знайдзі мяне». Музыкі кажуць, што яны выконваюць поп-рок зь дзявочым вакалам і пранізьлівымі тэкстамі пра каханьне ў вялікім горадзе. У іх музыцы аб'ядналася разнастайная стылістыка: ад наіўнасьці дзіцячых песьняў да жорсткасьці хардкоравых запілаў.
Гурт ESPRIT быў створаны ў студзені 2007 году. Да гэтага ва ўдзельнікаў гурта былі іншыя праекты, у белшоўбізе. Гітарыст, басіст, клявішнік ды бубнач гралі ў складзе каманды FRAME, а вакалістка сьпявала ў гурце «Лангольеры». Такім чынам, музыкі ESPRIT граюць ужо каля 7 гадоў. У складзе свайго новага гурта яны пасьпелі ўжо запісаць 11 песень, даць два клюбныя канцэрты ў Менску і атрымаць суцяшальны прыз на адборы на фэст BeFree.Музыкі кажуць, што яны выконваюць поп-рок зь дзявочым вакалам і пранізьлівымі тэкстамі пра каханьне ў вялікім горадзе. У іх музыцы аб'ядналася разнастайная стылістыка: ад наіўнасьці дзіцячых песьняў да жорсткасьці хардкоравых запілаў. Песьню «Знайдзі мяне» яны прадстаўляюць, як трэк пра чаканьне і пошук каханьня, пра шлях да яго, пра эфэмэрныя, але моцныя пачуцьці. «Гэта кранальная песьня зь пяшчотнай мэлёдыяй», - кажуць яны.
У бліжэйшы час ESPRIT можна будзе пабачыць на канцэрце памяці Андрэя Вашкевіча ў КЗ «Мінск» 19-га верасьня.
ESPRIT – Знайдзі мяне (музыка і словы - Марыя Бардашун, аранжыроўка - ESPRIT).
Разьмяшчаеца са згоды выканаўцы.
ТГ
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|