 |  |
чырвона-банэрная рэкляма:
Порцыя кайфу ад «Тайланду»
| 08.08.2008 | Праект Андрэя Дзяркова запісаў першы поўнафарматны дыск. «Слухаць альбом трэба ня менш за тры разы, пасьля гэтага назіраецца магічны эфэкт – ён пачынае падабацца ўсё болей і болей, а ступень найвышэйшага кайфу ад праслухоўваньня пакуль не ўстаноўленая», - кажа музыка. Кожны ахвочы можа спраўдзіць слушнасьць гэтага выказваньня на сайце гурта. На рашэньне Андрэя альбом цалкам выкладзены ў сеціва.
«Bangkok-Rock» - гэта працяг «тайскай» рок-опэры з элемэнтамі кітчу ад былога «кэвэкашніка». Спроба аб'яднаць у адно ўсё на сьвеце - усходнюю філязофію, тонкі гумар і любоў да рускага року. З гэтай нагоды бачыцца два варыянты разьвіцьця падзеяў – Дзяркову альбо трэба зрабіць саўнд яшчэ больш бруднейшым і тады яго постаць можа набыць культавую панк-афарбоўку. Ці пазбавіцца электрычнасьці ды ісьці па сьвеце з гітарай наперавес.«Тайланд» сапраўды вельмі асабісты праект і за плыньню сьвядомасьці Андрэя губляюцца ўсе выдуманыя (а часам надуманыя) музычныя фішачкі і выпакутаваныя гітарныя сола тут толькі замінаюць. Ён часам нагадвае Міхалка (асабліва ў песеньцы «Стекло» – «Я скоро стану Буддой, мне не нужна зарплата»), часам Шадзька («Конец света»), а месцамі падаецца, што ў якасьці запрошанага вакаліста ў «Тайландзе» пяе Самойлаў з «Агаты Крысьці». Пра водгукі «Пикника» дык наогул згадваць ня будзем. Але пры гэтым цяжка назваць «Тайланд» другасным праектам. За ім адчуваецца арыгінальнасьць і густоўнасьць. І яшчэ тэксты Дзяркова можна расьцягваць на цытаты, там, дзе ён сам не займаецца цытаваньнем. «Моя новая девушка очень похожа на президента США» - +1.
Спампаваць альбом
SB, ТГ
Фота: tay-land.ru
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|