 |  |
чырвона-банэрная рэкляма:
Drum Ecstasy вырашылі кадравае пытаньне
| 07.08.2008 | Лідэр гурта Філ Чмыр нарэшце абвесьціў: «Drum Ecstasy скончылі пошукі новага бубнача». Замест Сьцяпана Бітуса, што ад’ехаў быў працаваць у Маскву месца ля барабанаў заняў Аляксандар Кузьмін. Кастынг цягнуўся шэсьць месяцаў, цягам якіх праз гурт прайшлі ажно 15 музыкаў. «Алесь апынуўся лепшым і падыйшоў нам па ўсіх парамэтрах. Да ўсяго ён яшчэ ня мае жонкі ў адрозьненьні ад нас усіх!» - кажа Філ.
Пры выбары новага ўдзельніка адной зь вядучых беларускіх альтэрнатыўных камандаў да ўвагі прымалася ня толькі тэхнічнасьць выканананьня трэкаў. Лідэр Drum Ecstasy Філ Чмыр кажа, што найперш хацелася, каб з новым чалавекам было камфортна працаваць. «Мы шукалі такога бубнача, які адразу бы стаў сваім», - зазначае Філ.У выніку з 15 прэтэндэнтаў выбар спыніўся на маладым музыканце Аляксандры Кузьміне. «Яму 18 год, ён яшчэ ня мае жонкі і мы гэтаму рады. У тым сэнсе, што неяк згасла цікавасьць нашых прыхільніцаў, бо паступова кожны з удзельнікаў гурта ажаніўся», - усьміхаецца Філ.
Афіцыйнае прадстаўленьне публіцы новага бубнача адбудзецца ў верасьні. Менавіта на гэты месяц Drum Ecstasy плянуе даць вялікі сольны канцэрт у Менску, а потым выпраўляецца ў эўрапейскі тур. Цягам жа гэтага месяца гурт будзе працаваць над новымі кампазыцыямі, якія адразу ж будуць выкладзеныя ў сеціва. Нагадаем, што нядаўна ўдзельнікі Drum Ecstasy заявілі пра тое, што адмаўляюцца выдаваць свае трэкі на СD-носьбітах.
Сайт гурта - www.drumecstasy.com
ТГ
Фота: www.westrecords.by
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|